Yon animatè radyo Adventis t ap kondwi sou yon gran wout nan New York, Brooklyn Queens Expressway. Pandan l ap pase bò kote yon kamyon ponpye ki t ap sove pasaje yon machin ki te tonbe nan ti pyebwa yo, machin li glise epi li fè 3 tonbe. Li t ap rele: "Pa kite mwen echwe!"

Lè machin nan te prè pou l frape miray ki separe wout la, yon fòs envizib leve machin nan anlè epi mete l tounen nan mitan gran wout la. Bondye te tande l. Li te santi entèvansyon selès la.

Lè yo trennen machin nan, tiraj la te tèlman fò, li soti sou volan an epi li frape pòt gòch la ak pwatrin li, men gras ak Bondye li pa t blese. Lè li te rapòte sa bay depatman polis Corona Queens, ajan ki te an sèvis la reponn li: “Sa fè 10 an depi sa te rive. Konsidere sa kòm yon mirak.”

Akoz eksperyans sa a, li kapab temwaye ke tout moun ki aksepte plan sali Bondye a ap leve pou ale nan Vil Sen an.

"Gen yon sinyal k ap bay, y ap tande vwa youn nan chèf anj yo, twonpèt Bondye ap sonnen, epi Senyè a li menm ap desann sòti nan syèl la epi sa yo ki te mouri nan Kris ap leve pami mò yo.

Apre sa, nou menm ki va vivan toujou lè sa a, n ap rasanble ak moun ki te mouri yo, pou n monte al rankontre Senyè a nan nyaj yo. Konsa, n ap toujou ansanm ak Senyè a.

Sèvi ak pawòl sa yo pou nou ankouraje youn lòt". 1 Tesalonisyen 4:16-18